முள்ளிவாய்க்கால் இனப்படுகொலையை நினைவுகூரும் நாளில் கேளிக்கை நிகழ்வு களை நடத் திப் பாதிக்கப்பட்ட மக்களின் மனங்களை நோகடிக்கவேண்டாம் என முல்லைத்தீவு மாவட்டச் சிவில் அமைப் புக்கள் கூட்டாகக் கோரிக்கை விடுத்துள்ளன.
முல்லைத்தீவு மாவட்ட சிவில் அமைப்புக்களின் பிரதிநிதிகள் நேற்று முன் தினம் பிற்பகல் ஒரு மணியளவில் முல்லைத்தீவு கள்ளப்பாடு பொதுநோக்கு மண்டபத்தில் கலந்துரையாடல் ஒன்றை நடத்தினர். இதன் பின்னர் ஊடகங்களுக்குக் கருத்து தெரிவிக்கையிலேயே சிவில் அமைப்புகள் மேற்கண்டவாறு கோரியுள்ளன.அவை மேலும் தெரிவித்ததாவது,
முள்ளிவாய்க்கால் இனப்படுகொலையை நினைவுகூரும் மே மாதம் 18 திகதியோ அல்லது அதன் பெயரிலோ எந்தவிதமான களியாட்ட நிகழ்வுகளையும் நடத்தவேண்டாம். எமது இனம் அழிக் கப்பட்ட அன்றைய நாளை நாம் கொண்டாட்டமாகக் கருதிவிட முடியாது. உணர்வுபூர்வமாக எமது உறவுகளுக்கு அஞ்சலி செய்து பூசிக்கும் நன்நாளில் எமக்கு நடந்த வன்கொடுமையை மறந்து கேளிக்கை நிகழ்வுகளில் எம்மை ஈடுபடுத்திக் கொள்வது எம் இனத்துக்குச் செய்யும் துரோகமாகவே கருதப்படும்.
காணாமற்போனவர்களுக்குப் பதில் கிடைக்கவேண்டும் என்பதற்காகவும், பொதுமக்களின் காணியில் இருந்து இராணுவம் வெளியேறவேண்டும் எனவும் பல போராட்டங்கள் முனெடுக் கப்படுவரும் இந்தக் காலகட்டத்தில் முள்ளிவாக்கால் இனப்படுகொலையை அடியொற்றிக் கேளிக்கையில் யாரும் ஈடுபடுவதை ஏற்றுக்கொள்ள முடியாது-என்று கூறின.
