மூத்த அரசியல் ஆய்வாளரும் சட்டத்தரணியும் சமூக விஞ்ஞான ஆய்வு மையத்தின் இயக்குநருமான தமிழ் தேசப் பற்றாளர் சி.அ.ஜோதிலிங்கம் ஙடந்த(08.10.2026) வியாழக்கிழமை இரவு சாவடைந்துள்ளார்.
இலங்கையின் இனப் பிரச்சினை, அரசியல் யாப்பு மாற்றங்கள் மற்றும் தமிழ் அரசியல் சூழல் குறித்து பல்வேறு ஊடகங்கள் மற்றும் கருத்தரங்குகளில் ஆழமான ஆய்வுகளை வழங்கி வந்த அவர், தமிழ்த் தேசியத்தை நிலைநிறுத்துவதில் தீராத பற்றுடன் செயற்பட்டவராவார்.
வயிற்றில் ஏற்பட்ட சுகவீனம் காரணமாக யாழ்ப்பாணம் போதனா வைத்தியசாலையில் சத்திரசிகிச்சைக்கு உட்படுத்தப்பட்டிருந்த அவர், சிகிச்சையின் பின்னர் சாவடைந்துள்ளார் .
கடும் நோயால் பாதிக்கப்பட்டிருந்த போதிலும், தியாக தீபம் திலீபனின் சிலை அகற்றப்பட்டமைக்கு எதிராக நல்லூரில் அண்மையில் நடைபெற்ற கண்டனப் போராட்டத்திலும் அவர் கலந்துகொண்டிருந்தமை குறிப்பிடத்தக்கது.
நேற்று இரவு 7.45 மணியளவில் தமிழ்த்தேசப்பற்றாளர் சி.அ. ஜோதிலிங்கம் அவர்களின் பூகழ் உடலுக்கு, தமிழ்த்தேசிய மக்கள் முன்னணியின் பொதுச் செயலாளர் செல்வராசா கஜேந்திரன் மற்றும் கட்சியின் உறுப்பினர்கள், குப்பிளான் தெற்கில் அமைந்துள்ள அவரது சகோதரியின் இல்லத்தில் நேரில் சென்று அஞ்சலி செலுத்தினர்.
