யாழ்ப்பாணம் தையிட்டியில் தமிழ் மக்களின் பூர்வீகக் காணிகளை ஆக்கிரமித்துக் கட்டப்பட்ட சட்டவிரோத ‘திஸ்ஸ விகாரை’யில், நீதிமன்றத் தடையையும் மீறி இன்று நடக்கும் ‘கடின சீவர பூஜை’ வழிபாடுகளுக்கு பலாலி காவல்துறை நிலையப் பொறுப்பதிகாரி (OIC) முன்னின்று தலைமை தாங்கி நடாத்துகின்றார்.
மக்களின் நிலங்களை மீட்கக் கோரி காணி உரிமையாளர்கள் கொட்டும் மழையிலும் வீதியில் இறங்கிப் போராடி வரும் நிலையில், சட்டத்தையும் ஒழுங்கையும் பாதுகாக்க வேண்டிய பொலிஸ் உத்தியோகத்தர் ஒருவர், ஒருதலைப்பட்சமாக இனவாதப் போக்கோடு இந்தச் சட்டவிரோத வழிபாடுகளை முன்னின்று நடத்துவது அநாகரிகத்தின் உச்சக்கட்டமாகும்.
- சட்டத்தை நிலைநாட்ட வேண்டிய ஓஐசி (OIC), நீதிமன்ற உத்தரவுகளைத் தூக்கியெறிந்துவிட்டு இனவாத அடிப்படையில் இந்த வழிபாடுகளுக்குத் தலைமை தாங்குவது எந்த வகையில் நியாயம்?
- மேடைகளில் சமத்துவம் பேசும் அநுர அரசே, தமிழ் மக்களின் உணர்வுகளைக் கொச்சைப்படுத்தும் இந்த இனவாத அதிகாரிகளின் அடாவடித்தனங்களுக்கு முற்றுப்புள்ளி வைக்கப்போவது எப்போது?
- எமது மக்கள் மழையில் நனைந்து புலனாய்வுத்துறையின் அச்சுறுத்தல்களுக்கு மத்தியில் போராடும்போது, ஆக்கிரமிப்பாளர்களுக்குச் சிவப்புச் கம்பளம் விரிக்கும் பொலிஸாரின் இந்தச் செயல்பாடுதான் இந்த நாட்டின் நீதியா?
அதிகார துஷ்பிரயோகங்களுக்கும் இனவாத அடக்குமுறைகளுக்கும் எதிராகத் தையிட்டி மக்களின் பூர்வீக நில உரிமைக்கான அறப்போராட்டம் ஓயாது!
