கிளிநொச்சி இரணைமடுவில் கஞ்சாவுடன் திருடன் ஒருவன் மக்களால் மடக்கிப் பிடிக்கப்பட்ட சம்பவமொன்று நேற்று இடம்பெற்றது.
இது தொடர்பில் தெரியவருவதாவது,
இரணைமடு சந்திக்கருகிலுள்ள பிராந்திய பிரதி பொலீஸ்மா அதிபர் காரியலாயத்திற்கு பின்புறமாக வீட்டில் யாரும் இல்லாத நிலையில் கூரையின் ஊடாக நுழைந்து திருடன் உரிமையாளர் வீட்டிற்கு திரும்பும் சத்தம் கேட்டு அருகிலுள்ள பற்றைக்குள் மறைந்திருந்துள்ளான். அதனைத் தொடர்ந்து வீட்டின் உரிமையாளருடன் அயலவர்கள் நடத்திய தேடுதலில் குறித்த திருடன் பற்றைக்குள்ளிருந்து தப்பியோட முயற்சித்தபோது மடக்கிப் பிடிக்கப்பட்டான். அவனிடம் 50 கிராம் கஞ்சா மீட்கப்பட்டது.
19 வயது மதிக்கத்தக்க கிளிநொச்சி பொன்னகர் கிராமத்தை சேர்ந்த குறித்த நபர் பொலிஸாரிடம் மக்களால் கையளிக்கப்பட்டுள்ளார்.
