வீதி ஓரமாக தனது மிதிவண்டியை உருட்டிக்கொண்டு வீடு நோக்கிச் சென்ற வயோதிபரை எதிரே வேகமாக வந்துகொண்டிருந்த உந்துருளி மோதியதில் படுகாயமடைந்தவர் உயிரிழந்த சம்பவம் கிளிநொச்சி கனகபுரம் டிப்போ வீதியில் சேவையர் கடைச்சந்தியில் இடம்பெற்றது.
மரணமானவர் கிளிநொச்சி ஆனந்த நகரில் வசிக்கும் ஏழு பிள்ளைகளின் தந்தையான நல்லதம்பி (76 வயது) என்பவராவார்.
இதேவேளை, அண்மைக்காலமாக கிளிநொச்சி மாவட்டத்திலும் வன்னிப்பகுதியிலும் வீதி விபத்து மரணங்கள் அதிகரித்து வருவது குறிப்பிடத்தக்கது.
