படுகொலை செய்யப்பட்ட ஊடகவியலாளர் நிமலராஜனின் 26ஆம் ஆண்டு நினைவேந்தல் நிகழ்வுகள் நேற்றைய தினம் 19.10.2026 திங்கட்கிழமை யாழ் . ஊடக அமையத்தில் , நடைபெற்றது.
நிமலராஜனின் திருவுருவபா படத்திற்கு மலர் மாலை அணிவித்து, பொது சுடரேற்றியதை தொடர்ந்து, ஊடகவியலாளர்கள், சமூக செயற்பாட்டாளர்கள் மலரஞ்சலி செலுத்தினர்.
போர் சூழலில் யாழில் இருந்து ஊடகப்பணியாற்றிய மயில்வாகனம் நிமலராஜன். பி.பி.சி.யின் தமிழ் மற்றும் சிங்கள சேவை , வீரகேசரி , ராவய போன்ற ஊடகங்களில் பணியாற்றி இருந்தார்.
அந்நிலையில் 2000ஆம் ஆண்டு ஒக்டோபர் மாதம் 19ஆம் திகதி யாழ்.மாவட்டத்தில் ஊரடங்கு சட்டம் அமுலில் இருந்தவேளை இவரது வீட்டு வளவினுள் புகுந்த ஆயுததிரிகள் வீட்டின் சாளரம் ஊடாக அவர் மீது துப்பாக்கிப் பிரயோகம் மேற்கொண்டனர்.
அதன்போது அவர் எழுதிக்கொண்டு இருந்த கட்டுரைமீது வீழ்ந்தே உயிர் துறந்தார்.
கொலையாளிகள் துப்பாக்கிப் பிரயோகம் மேற்கொண்டு நிமலராஜனை படுகொலை செய்த பின்னர் , வீட்டின் மீது கைக் குண்டு தாக்குதலையும் மேற்கொண்டனர்.
அதன் போது வீட்டில் இருந்த நிலமராஜனின் தந்தை சங்கரப்பிள்ளை மயில்வாகனம் , தாய் லில்லி மயில்வாகனம் மற்றும் மருமகன் ஜெகதாஸ் பிரசன்னா ஆகியோர் படுகாயமடைந்திருந்தனர்.
