பிரான்சு ஈழத்தமிழர் உதைபந்தாட்டச்சம்மேளன ஆதரவுடன் தமிழர் விளையாட்டுத்துறையின் அனுசரணையுடன் பாரிசின் புறநகர் பகுதியில் ஒன்றான Parc Interdepartemental des Sports Paris Valde marne Creteil என்ற மைதானத்தில் நடைபெற்றது.
இன்றைய போட்டியின் பிரதம விருந்தினர்களான வில்நெவ் சென்ஜோர்ஜ் மற்றும் சுவாசிலே றூவா மாநகர முதல்வர்கள்> மாவட்ட விளையாட்டுத்துறை துணை பொறுப்பாளர்கள், தமிழர் ஒருங்கிணைப்புக்குழுவினர்> தமிழர் விளையாட்டுத்துறையினர்> சம்மேளன மெய்வல்லுநர் போட்டி உறுப்பினர்கள் மைதானத்தின் பகுதிக்கு அழைத்துவரப்பட்டனர். தொடர்ந்து பொதுச்சுடர் தமிழர் விளையாட்டுத்துறை உறுப்பினரும்> மெய்வல்லநர் போட்டி உதவி முகாமையாளர் திரு. குருசுமுத்து பீலிக்ஸ் அவர்கள் ஏற்றி வைத்தார். தேசியக் கொடிகள் சம்மேளனக்கொடி போட்டிக்கொடிகளும் ஏற்றி வைக்கப்பட்டன.. பிரெஞ்சு தேசியக்கொடியை வில்நெவ் சென்ஜோர்ச் மாநகர முதல்வர் திருமதி. Kristelle Niasmr அவர்கள் ஏற்றிவைத்தார். தமிழீழத் தேசியக்கெடியை தமிழர் விளையாட்டுத்துறையின் செயலாளர். திரு. நிமலன் ஏற்றி அகவணக்கம் செய்யப்பட்டது. தொடர்ந்து துடுப்பெடுத்தாட்ட சம்மேளனக்கொடி ஏற்றிவைக்கப்பட்டது. துடுப்பெடுத்தாட்ட சம்மேளனத்தலைவர் தி. ராஜமோகன் ஏற்றிவைக்க, FESPL கொடியும் அதன் பொறுப்பாளரால் ஏற்றிவைக்கப்பட்டது.
தொடர்ந்து மங்கள விளக்கேற்றல் இடம் பெற்றது. தமிழர் ஒருங்கிணைப்புக்குழு பரப்புரைப் பொறுப்பாளர் அவரைத்தொடர்ந்து முந்நாள் உதைபந்தாட்டச் சம்மேளனத்தலைவர் ஈழவர் வி. கழகத் தலைவர் திரு. சுரேஸ் அவர்களும், இன்று நடைபெற்ற அனைத்து விளையாட்டுக்கழகத்தின் தலைவர்கள் அணிகளின் உரிமையாளர்கள்> நடுவர்களும் ஏற்றி வைக்க> பிரதம விருந்தினர்கள் மாநகர முதல்வர்கள் துடுபெடுத்தாட்டச்சம்மேளன செயலாளர். திரு. நிசாந்தன் உப செயலாளர் திரு. மயூரன் ஆகியோர் மலர் கொத்து கொடுத்து மகிழ்வித்தனர். சிறப்பு விருந்தினர்களுக்கு இன்றைய போட்டிகளுக்கு பிரதான அனுசரணை வழங்கிய ரா ராஜசோழா உணவகத்தின் உரிமையாளர் திரு. இளங்கோ குடும்பத்தினர் வழங்கியிருந்தனர். போட்டிக்கான வாழ்த்துரைகள் இடம்பெற்றது வாழ்த்துரைகளை மாநகர முதல்வர் மாநகர துணை விளையாட்டுப் பொறுப்பாளர். மாநகர தொழில்நுட்பத்தின் பொறுப்பாளர் தமிழர் ஒருங்கிணைப்புக்குழு பரப்புரைப் பொறுப்பாளர் ஆகியோர் உரையாற்றியிருந்தனர். இன்றைய போட்டியை முதல்வர் துடுப்பெடுத்து பந்தை அடித்து தொடக்கி வைத்திருந்தார்கள். இவர்களை இந்த போட்டிகளின் பிராதன அனுசரணையாளர்கள் இரண்டு நாட்கள் தொடர்ந்து பெரும் எடுப்பாக நடைபெற்றிருந்தது இன்றைய நாள் இறுதிப்போட்டிக்கு ராஜசோழா உணவகம் மற்றும் அனுசரணையை வழங்கியிருந்தது. போட்டிகள் யாவும் நேரடி ஒலிபரப்பாகியது. வெற்றிபெற்ற கழகங்களுக்கு முதலாவது இடம் பெற்றவர்களுக்கு ஐயாயிரம் ஈரோவும் இரண்டாம் இடம் மூவாயிரம ஈரோக்களும்> முன்றாம் இடத்துக்கு ஆயிரத்து ஐந்நூறு ஈரோக்களும் பெறுமதி மிக்க வெற்றிக்கிண்ணங்களும் மாலை கலந்து கொண்ட சுவாசிலே லூவா மாநகர முதல்வர்> துணை முதல்வர் மற்றும் போட்டிக்கு ஆதரவுசெய்த வர்த்தகர்கள், விளையாட்டுத்துறையை சேர்ந்தவர்களால் வழங்கிவைக்கப்பட்டது.
போட்டிகள் யாவும் விறுவிறுப்பாக நடைபெற்றது. உதைபந்தாட்டத்தை முன்னுரிமையாக கொண்ட பிரான்சு தேசத்தில் துடுபெடுத்தாட்டம் நடாத்துவதென்பது பெரும் சிரமமாக இருந்த போது அதற்கு பொருத்தமான இடத்தை தேடிக்கண்டெடுத்து இப்போட்டிகளை ஐரோப்பிய ரீதியில் நடாத்துவதென்பது மிகுந்த சாதனையாகவே பார்க்கப்படுகின்றது. அதனை ஒரு சவாலாக எடுத்தும்> இங்கும் வாழும் இளைஞர்கள் தமது அன்றாட வாழ்வின் பெரும்பணி> ஓய்வின்றி உழைக்கும் யந்திரமயமான வாழ்வு என்பதற்கு மத்தியில் தம்மை வளப்படுத்திக்கொள்ள இவ்வாறு தமக்கு தெரிந்த விளையாட்டுக்களிலும் போட்டிகளில் ஈடுபட்டு தமது திறமைகளை மைதானத்தில் காட்டியிருந்தனர். இவர்களை வழி நடத்திச்செல்லும் கழகங்கள் கட்டமைப்புகள் இவ்வீரர்களை சிறந்து விளங்கி தமிழ்இனத்திற்கு பேரும் புகழையும் பெற்றுத்தர பலமாக இருக்க வேண்டும் என்பது ஒரு பெரும் பணியாக உள்ளதையும் வீரர்களும் தமது திறன்களை பலப்படுத்திக்கொள்ள கழகங்களோடு சேர்ந்து ஒத்துழைப்பு கொடுத்து பயணிக்க வேண்டும் என்றும் பல நலன்விரும்பிகளின் கருத்துகளாக இருந்தது.மூன்று நாட்களும் போட்டிகள் சிறப்பாக நடைபெற்றிருந்தது. L cast tv live போட்டிகளை நேரடி ஒலிபரப்புச் செய்திருந்தனர்.
நன்றி
